सौगात विष्ट
ताप्लेजुङ, साउन १४ गते । नेपाल विद्यार्थी सङ्घ (नेविसंघ) जिल्ला कार्य समिति ताप्लेजुङको कार्यवाहक अध्यक्षको जिम्मेवारी अर्जुन खिम्दिङलाई प्रदान गरिएको छ । नेविसंघ जिल्ला कार्य समिति ताप्लेजुङका अध्यक्ष लोकेश लङ्वा लिम्बूद्वारा जारी विज्ञप्ति मार्फत उक्त जिम्मेवारी खिम्दिङलाई प्रदान गरिएको हो ।
अध्यक्ष लङ्वाले जिल्ला अध्यक्षको जिम्मेवारीमा कार्यरत रहँदा विशेष कार्यव्यस्तताका कारण नियमित रूपमा संगठन सञ्चालन गर्न असहज भएको बनाउनुभएको छ । सोही अवस्थालाई मध्यनजर गर्दै नेपाल विद्यार्थी सङ्घको विधान २०७९ को दफा ७ को उपदफा (ङ) तथा संशोधित २०८२ बमोजिम अध्यक्षलाई प्राप्त अधिकार प्रयोग गरी अर्जुन खिम्दिङलाई कार्यवाहक अध्यक्षको जिम्मेवारी तोकिएको हो ।
कार्यवाहक अध्यक्षका रूपमा खिम्दिङले सङ्गठनको विधान, नियमावली र सङ्गठनात्मक मूल्य मान्यता अनुसार नेविसंघ ताप्लेजुङका गतिविधिलाई प्रभावकारी रूपमा अघि बढाउने नेविसंघले विश्वास व्यक्त गरिएको छ ।
उक्त निर्णयको बोधार्थ नेपाली काङ्ग्रेस जिल्ला कार्य समिति ताप्लेजुङ तथा नेपाल विद्यार्थी सङ्घ केन्द्रीय कार्य समिति, काठमाडौंलाई समेत पठाइएको छ।
प्रतिक्रिया