ज्येष्ठ नागरिकहरूको भेटघाट र सार्वजनिक सुनुवाइ कार्यक्रम सम्पन्न



ताप्लेजुङ, जेठ ३० गते । ताप्लेजुङमा ज्येष्ठ नागरिक भेटघाट कार्यक्रम सम्पन्न भएको छ । ज्येष्ठ नागरिक प्रति हुने दुर्व्यवहार विरुद्धको २१औं अन्तराष्ट्रिय दिवसको अवसरमा शनिबार फुङलिङ नगरपालिका–११ मा भेटघाट कार्यक्रम सम्पन्न भएको हो ।

ज्येष्ठ नागरिक जिल्ला सङ्घ ताप्लेजुङको आयोजनामा सम्पन्न कार्यक्रममा ज्येष्ठ नागरिकहरूलाई अल्जाईमर रोगबारे जानकारी गराइएको थियो । यस्तै ज्येष्ठ नागरिक प्रति हुने दुर्व्यवहार तथा यसको न्यूनिकरण बारे छलफल र ज्येष्ठ नागरिकको सेवा–सुविधा तथा कर्तव्य बारे छलफल गरिएको थियो ।

साथै एक वृद्ध र एक वृद्धा गरी सबैभन्दा बढी उमेरका दुई जना ज्येष्ठ नागरिकलाई सम्मान समेत गरिएको ज्येष्ठ नागरिक जिल्ला सङ्घका अध्यक्ष टामन सिग्देलले जानकारी दिनुभयो । कार्यक्रममा एक सय बढी ज्येष्ठ नागरिकहरूको उपस्थित रहेको थियो । फुङलिङ नगरपालिकाको आर्थिक सहयोगमा सम्पन्न कार्यक्रमको सहआयोजक ताप्लेजुङ वृद्धा आश्रम रहेको छ ।

यो सँगै सार्वजनिक सुनुवाइ कार्यक्रम पनि सम्पन्न भएको छ । फुङलिङ नगरपालिकाको आयोजनामा सम्पन्न कार्यक्रमलाई नेपाल पत्रकार महासङ्घ ताप्लेजुङ शाखाले सहजिकरण गरेको हो । कार्यक्रममा स्थानीयले फुङलिङ नगरपालिका–११ फावाखोलाको सडक स्तरोन्नतिको बारे गुनासो राखेका थिए ।

सडक स्तरोन्नति र कालो पत्र नहुँदा आफूहरूले हिलो र धुलोमा नै जीवन बिताएको गुनासो गरेका थिए । स्थानीयवासीहरूको गुनासोलाई चाँडै सम्बोधन गर्ने फुङलिङ नगरपालिकाका मेयर अमिर मादेनले बताउनुभयो । कार्यक्रममा फुङलिङ नगरपालिकाका उपमेयर भिमादेवी ओझा र ११ नं. वडाका वडा अध्यक्ष युवराज भट्टराईले स्थानीयको रायमा जवाफ दिनुभएको थियो ।

आइतबार फुङलिङ नगरपालिका–१० फुरुम्बोमा कार्यक्रमको आयोजना गरिएको नेपाल पत्रकार महासङ्घ ताप्लेजुङ शाखाका अध्यक्ष सुवास आचार्यले जानकारी दिनुभयो ।

प्रकाशित मिति : 9:06 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित