जिसस प्रमुख लामाको पद कायम राख्न सर्वोच्चको अन्तरिम आदेश

ताप्लेजुङ, जेठ ८ गते । सर्वोच्च अदालतले जिल्ला समन्वय समिति ताप्लेजुङका प्रमुख छिरिङ लामाको पद कायम गरेको छ । दल परिवर्तन गरेको भन्दै निर्वाचन आयोगले पदमुक्त गरेको जिसस प्रमुख लामाको पद यथास्थितिमा राख्न सर्वोच्च अदालतले अन्तरिम आदेश जारी गरेको हो । 

शुक्रबार अन्तरिम आदेश जारी गर्दै सर्वोच्च अदालतले पद यथास्थितिमा राख्न आदेश दिएको लामाले जानकारी दिनुभयो । उहाँका अनुसार प्रमाणीकरणका लागि आगामी जेठ ११ गते अदालतले बोलाएको छ । निर्वाचन आयोगले दल त्याग गरेका आमा सहित १६ जना जनप्रतिनिधिलाई पदमुक्त गरेको थियो । उक्त निर्णयको विरुद्ध लामाले अदालतमा रिट दर्ता गराउनु भएको थियो । 

सोही रिटको आधारमा अदालतले अन्तरिम आदेश जारी गर्दै निर्वाचन आयोगलाई निर्णय तत्काल कार्यन्वयन नगर्न आदेश जारी गरेको हो ।