थलङमा सन्पन्न क्लब स्तरीय फुटबल प्रतियोगिताको उपाधि थलङ स्पोर्टिङलाई

ताप्लेजुङ, मंसिर २३ गते । ताप्लेजुङको मिक्वाखोला–४ थलङमा सन्पन्न आमन्त्रित क्लब स्तरीय पुरूष फुटबल प्रतियोगिताको उपाधि थलङ स्पोर्टिङ क्लब हात पारेको छ । सोमबार सम्पन्न भएको फाइनल खेलमा रेड डेभिल्स फुटबल क्लब इलामलाई ट्राइबेकरमा ५–३ गोल अन्तरले पराजित गर्दै आयोजकले उपाधि हात पारेको हो ।

निर्धारित समयमा दुबै टिमबाट १–१ गोलको बराबरी भए खेल ट्राइबेकरमा धकेलिएको हो । उपाधि संगै आयोजकले नगद १ लाख ५२ हजार रुपियाँ सहित ट्रफी, मेडल र प्रमाणपत्र प्राप्त गरेको छ । यस्तै उपविजेता बनेको रेड डेभिल्स इलामले १ लाख रुपियाँ सहित मेडल र प्रमाणपत्रमा चित्त बुझाएको छ ।

मंसिर १८ गते देखि सुरु प्रतियोगिता मंसिर २२ गते सम्पन्न भएको हो ।