थुकिमामा दोस्रो साङधुङगे माङ्गेन कपको दोस्रो संस्करण सञ्चालन हुने

ताप्लेजुङ, कात्तिक २१ गते । ताप्लेजुङको मेरिङदेन गाउँपालिका–५ थुकिमामा दोस्रो साङधुङगे माङ्गेन कप दोस्रो संस्करण हुने भएको छ । लिम्बूहरूको महान चाड चासोक तङ्नामको अवसरमा यही मङ्सिर १३ गते देखि १८ गते सम्म वडा स्तरीय पुरुष फुटबल प्रतियोगिता सञ्चालन हुने भएको छ । 

चासोक तङनाम थुकिमा मूल सञ्चालन समितिको आयोजनामा कार्यक्रम सञ्चालन हुने समितिका अध्यक्ष विशाल लङ्वाले जानकारी दिनुभयो । उहाँका अनुसार खेल साथै विविध सांस्कृतिक कार्यक्रम पनि सञ्चालन हुने छ ।

कार्यक्रम सञ्चालनका लागि समिति समेत गठन गरिएको छ । जसमा आर्थिक संयोजकमा दिनेश लङ्वा, वि.पि. साम्मेखाम, भिम बस्नेत र लोकेश लङ्वा रहनुभएको छ । 

यस्तै खेल संयोजकको जिम्मेवारी बुधराज लङ्वालाई प्रदान गरिएको अध्यक्ष विशाल लङवाको भनाई छ । साथै सांस्कृतिक संयोजकको रुपमा धिराज साम्मेखाम रहनुभएको छ । प्रचार प्रसार संयोजकमा दिपक जोगी रहनुभएको छ ।