काठमाडौं । पश्चिमी वायुको आंशिक प्रभावका कारण आज देशका अधिकांश पहाडी भूभागमा मौसम बदली भई हल्कादेखि मध्यम वर्षा र हिमपात हुने सम्भावना रहेको छ। जल तथा मौसम विज्ञान विभागका अनुसार विशेषगरी लुम्बिनी, कर्णाली र सुदूरपश्चिम प्रदेशमा यसको प्रभाव बढी देखिनेछ।
आज दिउँसो गण्डकी, लुम्बिनी, कर्णाली र सुदूरपश्चिम प्रदेशका पहाडी तथा हिमाली भूभागका केही स्थानमा मध्यम वर्षा वा हिमपात हुन सक्नेछ। बाँकी पहाडी भूभागका एक–दुई स्थानमा पनि हल्का वर्षा हुने सम्भावना छ। महाशाखाले राति पनि देशका मध्य र पश्चिमका पहाडी भूभागमा बादल लाग्ने क्रम जारी रहने जनाएको छ।
नेपालमा हाल पश्चिमी वायुको आंशिक प्रभाव रहेकाले मौसम बदली भएको र यसका कारण तापक्रममा सामान्य गिरावट आउन सक्ने भएकाले आवश्यक सतर्कता अपनाउन विभागले अनुरोध गरेको छ।
प्रतिक्रिया