ताप्लेजुङ, असोज ७ गते । ताप्लेजुङको फुङलिङ नगरपालिका ६ स्थित बाँजोगरामा आगलागीबाट मतान घर जलेर नष्ट भएको छ । स्थानीय मिलन गुरुङको मतान घरमा आगलागी भएको हो ।
सोमबार अपराह्न करिब ४ बजेको समयमा आगलागी भएको फुङलिङ नगरपालिका ६ नं. वडाका वडाध्यक्ष मदन गुरुङ ९तेज० ले जानकारी दिनुभयो । उहाँका अनुसार गुरुङको ढुङ्गा माटोले निर्मित जस्ताको पाताले छाएको दुई तले मतान घर जलेर पूर्ण रुपमा नष्ट भएको छ । आगलागीको कारण भने खुल्न सकेको छैन ।
वडाध्यक्ष गुरुङका अनुसार घरमा कोही नभएको समयमा आगलागी भएको थियो । आगो नेपाल प्रहरी, शसस्त्र प्रहरी, स्थानीय लगायतको उपस्थिति नियन्त्रण लिइएको हो । आगलागीबाट करिब ५ लाख रुपियाँभन्दा बढीको क्षति भएको पालिकाले जनाएको छ । क्षतिको यकिन विवरण सङ्कलन हुन भने बाँकी रहेको छ ।
प्रतिक्रिया