साहारा लिम्बू
ताप्लेजुङ, भदौ १५ गते । ताप्लेजुङमा वार्षिक समीक्षा तथा असल अभ्यास आदान प्रदान कार्यक्रम सुरु भएको छ । जिल्ला स्थित सङ्घ प्रदेश सरकारको विषयमा कार्यालय र स्थानीय तहहरूको आर्थिक वर्ष २०८१/८२ को समीक्षा कार्यक्रम सुरु भएको हो ।
जिल्ला समन्वय समितिको आयोजनामा समितिकै सभाहलमा आइतबारबाट सुरु भएको कार्यक्रममा जिल्लाका नौ वटै स्थानीय तह साथै सरकारी कार्यालय र गैर सरकारी कार्यालयहरूले समीक्षा प्रस्तुत गर्ने छन् । आइतबार कार्यक्रमको उद्घाटन पछि सबैभन्दा पहिले जिल्ला अस्पताल कार्यालयले प्रतिवेदन प्रस्तुत गरेको थियो ।
प्रतिवेदन प्रस्तुतिको सिलसिलामा जिल्लाका अस्पतालका प्रमुख मेडिकल सुपरिटेनडेन्ट डा। प्रनाम जयरुले अस्पतालमा भवनको अत्ति आवश्यक रहेको बताउनुभयो । यस्तै अस्पतालमा अहिले जेनेरल सर्जरीका सबै कामहरू भइरहेको जानकारी दिनुभयो । यो सँगै जिल्लामा बालरोग विशेषज्ञको अति आवश्यक भएकाले स्थानी नह सँग समन्वय गरी बालरोग विशेषज्ञ एक जना राख्न सकिने प्रस्ताव पेश गर्नुभएको छ ।
साथै अस्पतालाई ५० शैयामा स्तरोन्नति गर्न प्रदेश सरकारको पहल आवश्यक पर्ने र अति दुर्गम क्षेत्रमा सङ्घीय सरकारको आवश्यक पर्ने बताउनुभयो । यस्तै शिक्षा विकास तथा समन्वय एकाइ समितिका प्रमुख योगेश्वर भट्टराईले जिल्लमा एसईईको नतिजा अपेक्षा अनुसार आउन नसकेका कारण जिल्लामा रहेका ६९ वटा माध्यमिक विद्यालयका प्रधानाध्यापकहरूलाई तालिम प्रदान गर्ने प्रस्ताव राख्नुभएको छ ।
यस्तै पाथीभरा बहुमुखी क्याम्पसका प्रमुख सजन पौडेलले जिल्लामा रहेको एक मात्र स्नातकोत्तर पढाई हुने क्याम्पसलाई बचाउन सबै स्थानीय तहहरुलाई अनुरोध गर्नुभयो । कार्यक्रममा जिल्ला प्रहरी कार्यालयका प्रहरी नायब उपरीक्षक वेद प्रसाद गौतमले मानव बेचविखन सम्बन्धी र सशस्त्र प्रहरी बल नेपाल नम्बर एक गुल्म हेड क्वाटर कञ्चनजङ्घाका गुल्मपति शसस्त्र प्रहरी नायब उपरीक्षक ९डिएसपी० प्रमोद प्रकाश कार्कीले विपद सम्बन्धी प्रतिवेदन प्रस्तुत गर्नुभएको थियो ।
कार्यक्रमको उद्घाटन भने प्रमुख अतिथि प्रतिनिधि सभा सदस्य लिला देवी बोखीमले गर्नुभएको थियो । उहाँले जिल्लाको हितका लागि विकास आवश्यक रहेको बताउँनुभयो । विकासका योजनामा कसैले बाधा, अवरोध गर्नु नहुने पनि धारणा राख्नुभयो । यस्तै जिल्लाका ५–६ वटा योजनाका ठेकदारहरूलाई कारबाही गर्न पनि आवश्यक रहेकोले यो कार्य स्थानीय तहबाट तुरुन्त पहल गर्न समेत आग्रह गर्नुभयो ।
कार्यक्रममा फुङलिङ नगरपालिका प्रमुख अमिर मादेन, प्रमुख जिल्ला अधिकारी शिवराज शेढाईले आफ्ना धारणा राख्नुभएको थियो । सोमबार समापन हुने कार्यक्रममा नौ वटा स्थानीहरू साथै बाँकी रहेको कार्यालयहरूले सोमबार प्रतिवेदन प्रस्तुत गर्ने र उक्त प्रतिवेदनमाथि छलफल गरिने जिल्ला समन्वय समितिले जनाएको छ ।
प्रतिक्रिया