ताप्लेजुङ, भदौ ५ गते । ताप्लेजुङको थिङलाबुका अग्नि पीडितलाई मेरिङदेन गाउँपालिकाले राहत तथा आर्थिक सहयोग प्रदान गरेको छ । पालिकाले आगलागीबाट प्रभावित हुनु भएका स्थानीय पेम्बा शेर्पालाई आर्थिक सहयोग तथा खाद्यान्न हस्तान्तरण गरेको हो ।
पीडित परिवारलाई पालिकाले नगद २० हजार सहित चामल ५० केजी लगायत अन्य खाद्यान्न सामाग्री उपलब्ध गराएको मेरिङदेन गाउँपालिकाका सूचना अधिकारी जितेन लिम्बूले जानकारी दिनुभयो । उहाँका अनुसार अन्य सामाग्रीहरू त्रिपाल २ थान तथा ओछ्याउने म्याट्रेस १५ मिटर प्रदान गरिएको हो । गाउँपालिकाका अध्यक्ष यूक हां विर हाँगाम ९डम्बर० लगायतको टोलीले घटनास्थलमै पुगेर सामाग्री हस्तान्तरण गरेको छ ।
मेरिङदेन गाउँपालिका १ थिङलाबुका स्थानीय नरेन्द्र थोप्राको घरमा आगलागी भएको स्थानीयले बताएका छन् । थोप्राको घरमा अस्थायी रुपमा शेर्पा बसोबास गर्दै आइरहनु भएको थियो । मङ्गलबार दिउँसो भएको आगलागीबाट घरमा रहेका सम्पूर्ण सामाग्रीहरू जलेर नष्ट भएको बताइएको छ ।
घरभित्रै भान्साकोठा रहेकाले चुलोबाटै आगलागी सुरु भएको स्थानीयको भनाइ छ । ढुङ्गा, माटोले निर्मित फुसको छानो लाएको घरमा पूर्ण रुपमा जलेर नष्ट भएको गाउँपालिकाले जनाएको छ ।
प्रतिक्रिया