ताप्लेजुङ । ताप्लेजुङमा गाईजात्रा मनाइएको छ । भाद्र कृष्ण प्रतिपदादेखि अष्टमीसम्म आठ दिन मनाइने परम्परागत सांस्कृतिक उत्सव गाईजात्रा आइतबार ताप्लेजुङमा पनि मनाइएको हो ।
यस पर्वमा नेवार समुदायमा एक वर्षभित्र दिवङ्गत भएका आफन्तको सम्झनामा गाई वा मानिसलाई गाईका रूपमा सिँगारी, विभिन्न बाजागाजा र झाँकीसहित प्रदर्शन गर्ने गरिन्छ । यही अनुसार नेपाल भाषा तथा संस्कृत समाज ताप्लेजुङको आयोजनामा दिवङ्गत लक्ष्मी श्रेष्ठको गाईजात्रा निकालिएको थियो ।
गाईजात्राको र्यालीले फुङ्लिङ बजार परिक्रमा गरेको थियो । यसरी दिवङ्गत व्यक्तिको सम्झना गर्दै गाईजात्रा निकाल्दा उनीहरूको आत्मले सहजै वैतरणी पार गर्न सक्छन् भन्ने धार्मिक विश्वास रहेको समाजका अध्यक्ष संखर श्रेष्ठले बताउनुभयो ।
प्रतिक्रिया