रेडियो काबेली
ताप्लेजुङ । ताप्लेजुङ सेवा समाज मलेसिया समाज सेवा सक्रिया बन्दै गएको छ । कोराना भाईरस भएको समय, बाढी पहिरो, आगलागी साथै आर्थिक अभाव भएका बिरामीहरुलाई समेत सहयोग गर्दै ताप्लेजुङ सेवा समाज मलेसिया समाज सेवामा सक्रिय बन्दै गएको हो । यसै क्रममा पछिल्लो समय ताप्लेजुङ सेवा समाज मलेसियाले जिल्लाको सिरिजंघा गाउँपालिका वडा नं.२ निबासी बुद्धि थेबे लिम्बुलाई मुटुको भल्ब र्फेनुपर्ने भएको र आर्थिक समस्या भएका कारण ६० हजार १ सय ५० रुपैँया आर्थिक सहयोग गरिएको समाजका अध्यक्ष दिपक नेपालीले बताउनुभयो । उहाँका अनुसार उक्त रकम मामाङ्खे सेवा समाज नेपालका कोषाध्यक्ष नारायण प्रसाद लिम्बुले बिरामलाई हस्तारण गर्नुभएको हो ।
हाल बिरामीको काठमाडौं स्थित गङ्गालाल हृदयरोग अस्पतालमा उपचार भईरहेको छ । यस अघि ताप्लेजुङ सेवा समाज मलेसियाले विशेष गरि कोरोना भाईरसको समयमा जिल्लाका ६१ वटाका स्वास्थ्य चौकीमा गाउँपालिका अध्यक्षको रोहबरमा स्वास्थ्य सामाग्री हस्तारण गरिएको अध्यक्ष नेपालीको भनाई छ । प्रवासमा रहेर पनि देश र आफ्नो जिल्लाको मायाले पनि थोरै भएपनि सहयोग गर्दै आएको समाजले जनाएको छ । ताप्लेजुङ सेवा समाज मलेसिया ताप्लेजुङ जिल्लामा जन्मिएर हाल मलेसियामा रोजगारका शिलशिलामा पुगेका प्रवासीहरुको संस्था हो ।
प्रतिक्रिया