रेडियो काबेली
ताप्लेजुङ । यहि श्रावण २४ गते देखी हुने अन्तराष्ट्रिय आमन्त्रित तेस्रो ताप्लेजुङ गोल्डकपको प्रथम पुरस्कार अप्पर तमोर हाईड्रो पावर लिमिटेडले प्रायोजन गर्ने भएको छ । लाखे जात्रा सञ्चालन समितीका कोषाध्यक्ष दावा शेर्पाका अनुसार गोल्डकपको प्रथम पुरस्कार ७ लाख २ हजार ८२ रुपैँया हाईड्रो पावरले दिने भएको हो । समिती र हाईड्रो पावरबिच पुरस्कार दिने विषयमा सम्झौता भएको कोषाध्यक्ष शेर्पाले बताउनुभयो । अप्पर तमोर जिल्लामा निर्माणधीन सबैभन्दा ठुलो २८५ मेगावट क्षमताको जलविद्युत आयोजना हो । यो फक्ताङलुङ गाउँपालिकामा निर्माणाधिन अवस्थामा छ ।
गोल्ड कपमा तेल्लोक स्पोर्टीङ क्लब सहित ८ टिमको सहभागिता हुँदै छ । जसमा अन्तराष्ट्रिय टोली लेजण्ड फुटबल एकेडेमी सिलिगुडी भारत, फिदिम स्पोर्टिङ क्लब पाँचथर, रेडस्टार फुटबल क्लब झापा, द योङ ब्रदर्स क्लब इटहरी सुनसरी, सहलेस युवा क्लब सिराहा, चर्च ब्वाइज क्लब काठमाडौँ, सहारा क्लब पोखरा सहभागी हुने भएका छन् । प्रतियोगिताको उपविजेताले तीन लाख ५० हजार ८२ रुपैयाँ पाउनेछ भने यसैगरी प्रतियोगिताका सर्वोत्कृष्ट खेलाडीले २० हजार रुपियाँ नगद पुरस्कार सहित ट्रफी, पदक र प्रमाणपत्र पाउनेछ । सर्वाधिक गोलकर्ता, उत्कृष्ट गोल रक्षकसहित विभिन्न विधामा छनोट हुने खेलाडीलाई जनही १५ हजार रुपियाँ नगद पुरस्कारसहित ट्रफी, पदक र प्रमाणपत्र प्राप्त गर्ने छन् । यस्तै उत्कृष्ट खेलाडीले यामाहाको बाइक समेत प्राप्त गर्ने आयोजकको भनाई छ ।
प्रतिक्रिया