ताप्लेजुङ । ताप्लेजुङको एक मात्र स्नातकोत्तर सञ्चालन हुने पाथिभरा बहुमुखी क्याम्पसको नाम आधिकारिक रुपमा पाथिभरा बहुमुखी क्याम्पस कायम भएको छ । त्रिवि कार्यकारी परिषदले पाथिभरा बहुमुखी क्याम्पसको नामलाई आधिकारिक रुपमा कायम गरेको हो ।
यस अघि कुनैमा बहुमुखी उल्लेख हुने र कुनैमा उल्लेख नहुने हुँदा एकरूपता कायम गर्नका लागि निवेदन पेश गरिएको थियो । सोही अनुसार त्रिवि कार्यकारी परिषदले पाथिभरा बहुमुखी क्याम्पस कायम गरेको परिषदका योजना निर्देशक लक्ष्मीकान्त शर्माले बताउनुभयो ।
यता पाथिभरा बहुमुखी क्याम्पसका सञ्चालक समिति अध्यक्ष शिला इजमले पनि क्याम्पसले बहुमुखीको आधिकारिकरूपमा अधिकार प्राप्त गरेको जानकारी दिनुभएको छ ।
प्रतिक्रिया