हेल्लोकको श्री पार्वती माध्यमिक विद्यालयका विद्यार्थीहरूले गरे वृक्षारोपण

ताप्लेजुङ । श्री पार्वती माध्यमिक विद्यालयका विद्यार्थीहरूले वृक्षारोपण गरेका छन् । ताप्लेजुङको फक्ताङलुङ गाउँपालिका ५ हेल्लोकस्थित उक्त विद्यालयका विद्यार्थीले वृक्षारोपण गरेका हुन् । 

विद्यालयका लालिगुराँस बाल क्लबका विद्यार्थीहरूले विद्यालय परिसरमा वृक्षारोपण गरेको विद्यालयका प्रधानाध्यापक कमल हेल्लोकले बताउनुभयो । उहाँका अनुसार विद्यार्थीहरूले ८० वटा लालीगुराँसका बिरुवा र १०० वटा अम्रिसोको बिरुवा गरी जम्मा एक सय ८० वटा बिरुवा रोपेका छन् । 

शुक्रबार गरिने अतिरिक्त कार्यक्रम अन्तरगत बाल क्लबका विद्यार्थीहरूले वृक्षारोपण गरेको लालिगुराँस बाल क्लबका फोकल शिक्षक सन्त लिम्बूले जानकारी दिनुभएको छ ।