अनेरास्ववियु सिरीजङ्गा गाउँपालिका कमिटीद्वारा कम्प्युटर तालिम प्रदान 

ताप्लेजुङ । अनेरास्ववियु सिरीजङ्गा गाउँपालिका कमिटीको आयोजनामा आधारभूत कम्प्युटर कक्षा तालिम सम्पन्न भएको छ । सहभागीहरूलाई सोमबार एक कार्यक्रमका बिच प्रमाण पत्र वितरण गरि तालिम सम्पन्न भएको हो । 

तालिमा ३० तनको सहभागिता रहेको अनेरास्ववियु सिरीजङ्गा गाउँपालिका कमिटी अध्यक्ष रोशन लिम्बूले बताउनुभयो । तालिमको सहजीकरण युनिभर्सल कम्प्युटर इन्स्टिच्युटका प्रोपाइटर बीरु हाङबाङले गर्नुभएको थियो । 

समापन कार्यक्रम अनेरास्ववियु कोशी प्रदेश कमिटी सदस्य अनिता हेल्लोकको प्रमुख आतिथ्यतामा सम्पन्न भएको हो । प्रमुख वक्ताका रुपमा नेकपा एमाले जिल्ला कमिटी सचिव सन्तोष चाम्लिङको उपस्थिति रहेको अध्यक्ष लिम्बूले जानकारी दिनुभएको छ ।