ताप्लेजुङ। ताप्लेजुङको फुङ्लिङ नगरपालिकाका प्रवक्ता तथा वडा नं। दुईका वडा अध्यक्ष मोहन न्यौपानेले आफू माथि लागेको आरोपको पुष्टि गर्न चुनौति दिनुभएको छ । विहीबार पत्रकार सम्मेलन मार्फत आफू माथि लागेको छ बुँदे आरोपको पुष्टि गर्न चुनौती दिनुभएको हो ।
फुङलिङ नगरपालिका तथा मातहतका सम्पूर्ण कर्मचारीहरू नाम थर र पद समेत नखुलाई हस्ताक्षरको प्रेस विज्ञप्ति प्रति आफ्नो गम्भिर ध्यानाकर्षण रहेको भन्दै छ बुँदे आरोपको जवाफ माग गर्नु भएको छ । उहाँले व्यक्तिगत रुपमा कर्मचारीलाई बेइज्जती हुने अभिव्यक्ति दिएको, धम्क्याउने थर्काउने काम गरेको, नगर सभामा कर्मचारीलाई किन प्रवेश गरेको ? कसले बोलाएर आएको ? आफ्नो जिम्मेवारी प्रति गैर जिम्मेवार भएको स्पष्ट पार्न आग्रह गर्नु भएको छ ।
यस्तै आफ्नो अभिव्यक्तिहरू नगर सभामा नराखेर कहाँ राख्ने भनेर कर्मचारीहरूलाई प्रश्न समेत गर्नुभएको छ । गत मङ्गलबार नगरपालिकाको १८ औं नगर सभामा प्रवक्ता न्यौपानेले दिनुभएको अभिव्यक्ति प्रति नगरका कर्मचारीहरूले असन्तुष्ट जनाउँदै ‘पेन डाउन’ गरेका थिए ।
कर्मचारी लक्षित गैर जिम्मेवारीपूर्ण अभिव्यक्ति र कर्मचारीको काम तथा कार्यालयको वातावरणलाई प्रभावित गर्नेखालको उत्तेजक अभिव्यक्ति दिएको भन्दै कर्मचारीले आपत्ति जनाउदै विज्ञप्ति जारी गरेका थिए । कर्मचारीले सहज गरी काम गर्ने वातावरण बनाउन नगर प्रवक्ता न्यौपानेले नगरपालिकामा आएर गल्ती महसुस गरी माफी माग्नुपर्ने विज्ञप्तिमार्फत माग गरेका छन् ।
अहिले नगर सभामा नगर सभाका सदस्यले नीतिगत कुरा राख्न पाइदैन भने कहाँ राख्ने ? अनि कर्मचारी किन आन्दोलित हुने ? भन्ने प्रश्न खडा भएको छ । केही समय अघि पनि फुङ्लिङ नगरपालिकाले एक जना नगरपालिकाका पूर्व कार्यकारी अधिकृतको मृत्युको शोकमा सार्वजनिक शोक बिदा दिएको थियो । उक्त विषयको आलोचना पछि तत्कालै सच्याएको थियो । फेरी त्यसरी नै नगर सभामा पनि नगरपालिकाले सार्वजनिक बिदा दिएको हो । नगर सभा जहाँ नीतिगत विषयमा नै छलफल हुने गर्छ ।
तर अहिले त्यही नगरसभामा भएको नीतिगत अभिव्यक्तिका कारण कर्मचारीहरू आन्दोलित बनेका थिए । अहिले समाजिक सञ्चालनमा यस विषको चर्को टिक्का टिप्पणी भइरहेको छ । कर्मचारीहरूको आन्दोलन गलत भएको प्रतिक्रियाहरूलाई आइरहेका छन् । यता नगरपालिका प्रमुख प्रशासकीय अधिकृत कृष्ण प्रसाद गौतमले भने तत्काल छलफल गरेर आजबाट नियमित कार्य सुचारु हुने बताउनुभएको छ ।
प्रतिक्रिया