कोशी प्रदेश स्तरीय राष्ट्रपति रनिङशिल्डबाट ताप्लेजुङका चार खेलाडी राष्ट्रिय प्रतियोगिताका लागि छनोट



ताप्लेजुङ । कोशी प्रदेश स्तरीय राष्ट्रपति रनिङशिल्ड प्रतियोगिताबाट ताप्लेजुङका चार खेलाडी राष्ट्रिय प्रतियोगिताका लागि छनोट भएका छन् । विराटनगरमा सम्पन्न उक्त रनिङशिल्ड प्रतियोगिताबाट एथलेटिक्स तर्फको तीन हजार मिटर र आठ सय मिटर दौड तथा कबड्डी र भलिबल प्रतियोगिताका लागि छनोट भएका हुन् ।

छनोट हुनेमा मैवाखोला गाउँपालिकाका दुई, फुङलिङ नगरपालिका र मेरिङदेन गाउँपालिकाका एक-एक जना खेलाडी रहेको जिल्ला खेलकुद विकास समिति ताप्लेजुङका अध्यक्ष नरेन्द्र माबो गणेशले जानकारी दिनुभयो । उहाँका अनुसार तीन हजार मिटर दौडमा मैवाखोलाका समिरले कोशी प्रदेश स्तरीय प्रतियोगितामा स्वर्ण पदक हात पार्नुभएको छ ।

यस्तै समिरले नै १५ सय मिटरमा पनि रजत पदक हासिल गर्नुभएको छ । राष्ट्रिय प्रतियोगिताको तीन हजार मिटर दौडका लागि उहाँ कोशी प्रदेशबाट छनोट हुनुभएको हो । कवड्डी प्रतियोगिताका लागि पनि मैवाखोलाकै मनिता तामाङ राष्ट्रिय प्रतियोगिताका लागि छनोट हुनुभएको छ । आठ सय र चार सय मिटर गरी दुई विधामा रजत पदक जित्नुभएका फुङलिङ नगरपालिकाका सविन विश्वकर्मा पनि राष्ट्रिय प्रतियोगिताका लागि छनोट हुनुभएको छ ।

भलिबल प्रतियोगिताका लागि मेरिङदेन गाउँपालिकाका कैलाश लिम्बू छनोट हुनुभएको छ । राष्ट्रिय प्रतियोगिताका लागि छनोट भएका खेलाडीलाई विराटनगरबाटै काठमाडौँ पठाइएको र बाँकी खेलाडी जिल्ला फर्किएको जिल्ला खेलकुद विकास समिति ताप्लेजुङले जनाएको छ । राष्ट्रिय प्रतियोगिता जेठ २८ देखि ३० गतेसम्म काठमाडौँमा हुँदै छ ।

यस्तै छ वटा विधामा प्रतिस्पर्धा गरेको ताप्लेजुङले एक स्वर्ण, छ रजत र चार कांस्यसहित ११ पदक जितेर फर्किएको छ । एथलेटिक्स तर्फको स्वर्ण समिरले जितेका जित्नुभएको छ भने १५ सय मिटरको रजत पनि उहाँले नै हात पर्नुभएको छ । सविनले चार सय र आठ सय मिटर दौडमा दुई वटा रजत जित्नुभएको छ ।

त्रिपलजंगमा राजन विश्वकर्मा, तेक्वान्दो ५२ केजीमा मिङमा फुटि शेर्पा, उसु ४२ केजी सान्सोमा मौसम लिम्बूले ताप्लेजुङका लागि रजत पदक हात पर्नुभएको छ । काश्य पदक जित्नेमा तेक्वान्दो पुन्से अन्तगर्त भेनाइन शेर्पा, सितेरियो कराते कातामा सुहाङ लिम्बू, ४५ केजी उसुमा सरोज लिम्बू र दावा शेर्पा रहेको खेलकुद विकास समितिले जनाएको छ । प्रतियोगिता जेठ २४ देखि २६ गतेसम्म विराटनगरमा भएको थियो ।

प्रकाशित मिति : २८ जेष्ठ २०८२, मंगलवार ११:५८

ताप्लेजुङमा हजार बढी सवारी साधन कारबाहीमा पर्दा आठ लाख राजश्व सङ्कलन

ताप्लेजुङ। ताप्लेजुङमा एक वर्षको अवधिमा एक हजार बढी सवारी साधन

फुङलिङ ८ का बालबालिका र ज्येष्ठ नागरिकलाई निःशुल्क एम्बुलेन्स सेवा

ताप्लेजुङ । ताप्लेजुङको फुङलिङ नगरपालिका ८ मा बालबालिका र ज्येष्ठ

नापी कार्यालय ताप्लेजुङद्वारा झण्डै दोब्बर राजस्व सङ्कलन

ताप्लेजुङ । नापी कार्यालय ताप्लेजुङले झण्डै दोब्बर राजस्व सङ्कलन गरेको

अप्पर तमोर हाइड्रोपावर खारेजीको माग गर्दै आज विरोध प्रदर्शन

ताप्लेजुङ । अप्पर तमोर हाइड्रोपावर सङ्घर्ष समितिले निर्माणधीन हाइड्रोपावर खारेज

रबि लामिछानेमाथिको षड्यन्त्र र नयाँ युगको संकेत

इ.वीरेन्द्र श्रेष्ठ ताप्लेजुङ । प्रस्तावना: यो राष्ट्र फेरि चुरिएको छहिजो