ताप्लेजुङ । राष्ट्रिय स्वास्थ्यकर्मी सङ्घ नेपाल ताप्लेजुङको अध्यक्षमा देवेन्द्रकुमार मेन्याङ्बो चयन हुनुभएको छ । सङ्घको चौथो जिल्ला अधिवेशनले मेन्याङ्बोको अध्यक्षतामा ११ सदस्यीय कार्य समिति सर्वसम्मत चयन गरेको हो ।
यस्तै सङ्घको उपाध्यक्षद्वयमा समिर प्रधान र सीता गुरुङ यक्सो चयन हुनुभएको छ । सचिवमा जगदिश घिमिरे, उपसचिवमा मनकुमारी खुदाङ लिम्बू र कोषाध्यक्षमा नरमाया रेग्मी चयन हुनु भएको छ ।
साथै सदस्यहरूमा प्रकाश शेर्पा, प्रेम प्रसाईँ, राधिका लिम्बू, युम्पी राई र सविना ९सारा० तुम्बाहाम्फे चयन हुनु भएको छ । नवनिर्वाचित सङ्घका पदाधिकारी तथा सदस्यहरूलाई सङ्घका केन्द्रीय प्रतिनिधि लक्ष्मीमाया वनेमले पद तथा गोपनियताको शपथ ग्रहण गराउनु भएको थियो ।
प्रतिक्रिया