छैटौँ ताप्लेजुङ बज्र गुरु मन्त्रजप कार्यक्रमका प्रमुख लामा कुन्दोलिङ ताक्छक रिन्पोछेलाई ताप्लेजुङमा स्वागत (फोटो फिचर)



ताप्लेजुङ । ताप्लेजुङमा भारतका विश्व प्रख्यात प्रमुख लामा कुन्दोलिङ ताक्छक रिन्पोछेलाई स्वागत गरिएको छ । शनिबारबाट सुरु हुने छैटौँ ताप्लेजुङ बज्र गुरु मन्त्रजप कार्यक्रमका लागि ताप्लेजुङ आउनु भएका प्रमुख लामा रिन्पोछेलाई स्वागत गरिएको हो । 

इलामबाट ताप्लेजुङ आउनुभएका प्रमुख लामा रिन्पोछेलाई स्वागतको क्रममा टासी सोल्पा नृत्य प्रस्तुत गरिएको थियो । विश्व शान्ति र मानव एकताका लागि ताप्लेजुङको फुङलिङ नगरपालिका ९ सुकेटारमा ३ दिने वृहत ताप्लेजुङ बज्र गुरु मन्त्रजप कार्यक्रम हुँदै छ । 

मन्त्रजपमा करिब २० हजार श्रद्धालु भक्तजनहरूको उपस्थिति रहने बताइएको छ । बि. सं. २०७३ सालबाट सुरु भएको मन्त्रजप कार्यक्रम कोभिड महामारीको समयमा ३ वर्ष स्थगित भएको थियो । त्यस पश्चात पुन निरन्तर मन्त्रजप कार्यक्रम हुँदै आइरहेको छ ।

२३ गते बिहान ७ बजेदेखि दिउँसो १ बजेसम्म मन्त्रजप तथा पुजा र मध्यान्ह १२ बजेदेखि ५ बजेसम्म प्रवचन सहित आगम प्रदान गरिनेछ । त्यस्तै चैत २४ गते बिहान मन्त्रजप र १ बजेदेखि साँझ ५ बजेसम्म प्रवचन सहित आगम प्रदान गर्ने तयारी भइरहेको छ । कार्यक्रमको अन्तिम दिन चैत २५ गते परम श्रद्धेय रिन्पोछेबाट प्रवचन, श्वेत ताराको आयु अभिषेक गर्ने सचिव शेर्पाको भनाई छ । समितिका अनुसार कार्यक्रम अवधि भरि नै बुद्ध भगवानको अस्तु धातु रिङसेल दर्शन गराइने छ ।

प्रकाशित मिति : २१ चैत्र २०८१, शुक्रबार १५:२३

१६औं राष्ट्रिय बिभूति फाल्गुनन्दको स्मृति दिवसको दिन ताप्लेजुङमा १०८ दीप प्रज्वलन

ताप्लेजुङ। नेपालको १६औं राष्ट्रिय बिभूति फाल्गुनन्द लिङ्देनको स्मृति दिवसको दिन

ताप्लेजुङमा शैक्षिक सत्र २०८२ का लागि पाठ्यपुस्तक बिक्री वितरण सुरु

ताप्लेजुङ । ताप्लेजुङमा शैक्षिक सत्र २०८२ का लागि पाठ्यपुस्तक बिक्री

करिब एक महिनादेखि बन्द रहेको सानिमा मिडल तमोर हाइड्रोपावरको विद्युत उत्पादन सुरु

ताप्लेजुङ। करिब एक महिनादेखि बन्द रहेको जिल्लाकै ठुलो हाइड्रोपावरको विद्युत

नो केबुलकार समुहले घोषणा गरेको यातायात बन्द स्थगित

ताप्लेजुङ । नो केबुलकार समुहले चैत्र २५ गतेदेखि घोषणा गरेको