रेडियो काबेली
ताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न जिल्लाको मैवाखोला गाउँपालिकाले सिकाईमैत्री कार्यशाला सुरु गरेको छ । पालिकाले कक्षा १–८ सम्मका विषय शिक्षकहरुलाई सीकाईमैत्री सिकाई वातावरण निर्माणका लागि क्रियाकलापमा आधारित ५ दिने शिक्षण सिकाई कार्याशाला बिहिबारबाट सुरु गरेको हो ।
पालिका अध्यक्ष विजय प्रकाश वनेमका अनुसार कार्यशालाको सहजीकरण विषय बिज्ञ अर्जुन भट्ट, बृहत राष्ट्रिय शिक्षा अभियान नेपालका संयोजक अभिषेक घिमिरे र कमला देबकोटाले गरि रहनु भएको छ । उहाँका अनुसार कार्याशालाको समापन पछि आगामी चैत्र २७ गते आम अभिभावकहरु, शिक्षक तथा बुद्धिजिवीहरु र विधार्थीहरुको उपस्थितिमा बृहत र ऐतिहासिक रूपमा सीपमा आधारित सिकाई मेला समेत हुनेछ ।
सामुदायिक विद्यालयको शैक्षिक गुणस्तर सुधार गर्न लागि परेको गाउँपालिकाले गत वर्षको जेठमा बृहत शैक्षिक सम्मेलन गरेको थियो भने पालिकाले ५वर्षे शैक्षिक रणनीति बनाएर काम गरि रहेको छ ।
प्रतिक्रिया