फक्ताङलुङमा आधारभुत भलिबल रेफ्रि तालिम सुरु

रेडियो काबेली
ताप्लेजुङ । ताप्लेजुङको फक्ताङलुङ गाउँपालिकामा आधारभुत भलिबल रेफ्रि तालिम सुरु भएको छ । फक्ताङलुङ गाउँपालिकाको आयोजना, जिल्ला भलिबल संघ ताप्लेजुङको प्राविधिक सहयोग र जिल्ला खेलकुद विकास समिती ताप्लेजुङको संयोजनमा तालिम आईतबारबाट सुरु भएको हो ।

तालिममा जिल्लाका ४५ जनाको सहभागिता रहेको जिल्ला भलिबल संघ ताप्लेजुङका अध्यक्ष बिमल भण्डारीले जानकारी दिनुभयो । उहाँका अनुसार तालिम अन्राष्ट्रि फिभ रेफ्रि गौतम प्रसाद लासिवा, अन्राष्ट्रिय एविसि रेफ्रि विकास गुरुङ, राष्ट्रिय रेफ्रि थर्क कुमार चोङबाङ दिवस र रुपलाल तामाङले दिई रहनुभएको छ । पालिकाको वडा नं. ३ सिँवामा आईतबारबाट सुरु भएको तालिमम ७ दिन सम्म सञ्चालन हुनेछ ।