ताप्लेजुङ । ताप्लेजुङमा लडेर एक वृद्धको मृत्यु भएको छ । आगोबाट बच्नलाई भागेका वृद्धको बारीको डिलबाट लडेर मृत्यु भएको हो ।
आठराई त्रिवेणी गाउँपालिका–१ निगुरादीनका ७५ वर्षीय सुरेन्द्र तामाङको बुधबार दिउँसो मृत्यु भएको प्रहरी नायब उपरीक्षक (डीएसपी) रवि रावलले जानकारी दिनुभएको छ । उहाँका अनुसार तामाङको खुट्टामा आफ्नै बारीमा झ्यास डढाउने क्रममा एक्कासि ठूलो बलेको आगोले पोलेको थियो ।
आगोले खुट्टा पोले पछि जोगिनलाई भाग्ने क्रममा बारीको डिलबाट उहाँ लड्नु भएको थियो । लडेर तामाङ ७–८ मिटर तल झरेको प्रहरीको भनाइ छ । प्रहरीले घटनाको थप अनुसन्धान अघि बढाएको छ ।
प्रतिक्रिया