ताप्लेजुङ । मेरिङदेन गाउँपालिकाले ११५औं अन्तर्राष्ट्रिय महिला दिवस मनाएको छ । गाउँपालिकाको महिला शाखाको आयोजनामा अन्तर्राष्ट्रिय महिला दिवस मनाइएको हो ।
दिवसको अवसरमा म्युजिकल चियर, हाडि फोर प्रतियोगिता र कलर जम्प गेम जस्ता मनोरञ्जनात्मक खेलहरू सञ्चालन गरिएको मेरिङदेन गाउँपालिकाका सूचना अधिकारी जितेन लिम्बूले जानकारी दिनुभएको छ । उहाँका अनुसार कार्यक्रममा महिला तथा लैङ्गिक हिंसा सम्बन्धी सचेतनामूलक नाटक र विभिन्न जातिको भेषभुषा झल्काउने सांस्कृतिक नृत्य समेत प्रस्तुत गरिएको थियो ।
महिला विकास शाखा प्रमुख भावना घर्तिको अध्यक्षतामा सम्पन्न भएको कार्यक्रममा प्रमुख अतिथिको रुपमा गाउपालिका अध्यक्ष यूक हां विर हाँगाम (डम्बर) को उपस्थिति रहेको थियो । यस्तै अतिथिहरूमा मेरिङदेन गाउँपालिकाका सम्पूर्ण वडाध्यक्ष, जनप्रतिनिधि र अन्य सरकारी तथा गैरसरकारी संस्थाका प्रतिनिधिहरूको सहभागिता रहेको थियो ।
प्रतिक्रिया