रेडियो काबेली
ताप्लेजुङ । ताप्लेजुङ पाथीभरा क्षेत्रमा निर्माणाधीन केबलकारको विषयमा उत्पन्न समस्यालाई निष्कर्षमा पुर्याउन निर्माण कम्पनी नै अग्रणी भुमिकामा रहि वार्ताद्धारा समस्याको समाधान खोज्न राष्ट्रिय स्वतन्त्र पार्टी (रास्वपा) ताप्लेजुङले आग्रह गरेको छ । बिहिबार एक विज्ञप्ती जारी गर्दै रास्वपाले प्राकृतिक सुन्दरता, जातीय र सास्कृतिक बिबिधताले भरिपुर्ण जिल्ला पछिल्लो समय केबलकार निर्माणको विषयले अशान्त र अक्रान्त बनेको भन्दै तत्काल सरकारको रोहवरमा विशेषत केबलकार निर्माण कम्पनी नै अग्रणी भुमिकामा रहि वार्ताको आह्वान गरि तत्काल समस्याको समाधान गर्न आग्रह गरेको हो ।
रास्वपा जिल्ला सभापति ई।वीरेन्द्र श्रेष्ठ द्वारा हस्ताक्षरीत विज्ञप्तीमा, संकटकालमा संचालित परियोजनाहरुमा समेत सुरक्षा नराखी आयोजना बनाईएको दृष्टान्तलाई अनुसरण गर्दै तत्काल निर्माणको सुरक्षामा खटिएका सुरक्षाकर्मीलाई फिर्ता गराउन माग गरिएको छ । विभिन्न चरणमा भएका आन्दोलनको दौरानमा थुनामा परेकालाई निसर्त रिहा गर्न, वातावरण सन्तुलित बनाईराख्न धरपकड बन्द गर्न, निर्माण कार्य तत्काल स्थगन गरि वार्ता मार्फत समस्याको समाधान गर्न आग्रह गरिएको छ । पाथीभराको मुख्य सिजन सुरु भईसकेकाले यस्ता विवादले जिल्लाको पर्यटकीय व्यापारमा प्रत्यक्ष असर पार्ने भएकाले सिघ्र निकासका लागि सम्बन्धित सबै पक्षलाई रास्वपाले जिम्मेवार भैदिन आग्रह गरेको छ ।
रास्वपा जिल्ला सभापति ई। श्रेष्ठका अनुसार, जनताको भावना बिपरित कुनै पनि परियोजना सन्चालन गरिनु हुदैन भन्ने मान्यता बोकेको बताउनुहुन्छ। उहाँले भन्नुभयो,“लामो समय जनतासँग प्रत्यक्ष संलग्न भै जलविद्युतको बिकासमा काम गरेकोछु । आयोजना कम्पनी आफै सरोकारवाला समुहसँग प्रत्यक्ष सम्बाद नगरि स्थानीय सरकारका प्रतिनिधि, प्रशासन र सुरक्षा निकायहरु प्रयोग गरिनु नै ताप्लेजुङको सामाजिक बिखण्डन निम्त्याईनु हो । यो केवलकार परियोजना नेपालको बिद्यमान अवस्थामा प्राथमिकतामा पर्ने आयोजना समेत होइन । कथमकदाचित प्राथमिकतामा पर्ने खानेपानी, सिँचाई, सडक, बिद्युत, स्वास्थ, शिक्षाका परियोजनाहरु भए पनि सकेसम्म जनभावना नै कदर गर्नु पर्ने तर धेरै आवश्यक भए त्येस्तालाई प्राथमिकतामा पार्न जनता सहमत हुनुपर्छ ।”
साथै रास्वपाले पाथीभरामा निर्माण गरिने केबलकारको विषयमा ०८० मा ४ पेजको विज्ञप्ती जारी गरि आफ्नो बृहत अवधारणा प्रस्तुत गरिसकेको विज्ञप्तीमा जनाईएको छ ।
प्रतिक्रिया