नो केबलकार समूहको मुक्कुमलुङ पदयात्रा आजदेखि ८ गतेसम्म

ताप्लेजुङ । ताप्लेजुङ जिल्लाको प्रसिद्ध धार्मिकस्थल पाथीभरा  मुक्कुमलुङमा पैदलयात्राको कार्यक्रम तय भएको छ  । मुक्कुमलुङ संरक्षणका लागि आजदेखि ८ गतेसम्म पैदलयात्राको कार्यक्रम तय भएको हो । 

मुक्कुमलुङ तान्छेप चुम्भो र मुक्कुमलुङ अन्तरदलीय संरक्षण सङ्घर्ष समितिको आयोजनामा तय भएको पैदलयात्राका लागि जिल्लाबाहिरबाट समेत यात्रीहरू आउन थालेको नो केबलकार समूहका अगुवामध्येका एक नवीन पोमूले जानकारी दिनुभएको छ । मङ्गलबारदेखि नै पाथीभरा क्षेत्रमा पैदलयात्राका लागि आएका हुन् । पोमुका अनुसार केबलकार खारेज मुख्य सर्त यथावत रहेको छ ।

यो सँगै मानव र चराचर जगतको कल्याणसहित पाथीभरा मुक्कुमलुङमा विधिपूर्वक पुजा कार्यक्रम समेत सुरु भएको छ ।फागुन ८ गते फर्कने कार्यक्रम तालिका छ । सरकारले शान्तिपूर्वक आन्दोलनका क्रममा माघ १२ गते गोली हानी घाइते बनाएको, अभद्र व्यवहार गरेको र केबलकारकै पक्षमा काम गरेको भन्दै आन्दोलनरत पक्षले गुनासो गरेका छन् ।