ताप्लेजुङमा भरुवा बन्दुक सहित एक जना पक्राउ

रेडियो काबेली
ताप्लेजुङ । अवैध भरुवा बन्दुक सहित एक जनालाई प्रहरीले पक्राउ गरेको छ । पक्राउ पर्नेमा पाथीभरा याङवरक गाउँपालिका –१, नाङखोल्याङका ४० बर्षीय बिर्खराज राइ रहेको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक विवेक बस्नेतले जानकारी दिनुभयो ।

उहाँका अनुसार अवैध भरुवा बन्दुक लुकाई छिपाई राखेको गोप्य सूचनाको आधारमा प्रहरी नायब उपरीक्षक (डिएसपी) रवि रावलको नेतृत्वमा खटेको प्रहरीको टोलीले राईलाई पक्राउ गरेको हो । भरुवा बन्दुक १ थानसङ्गै सलाई लाइटर समेत प्रहरीले बरामद गरेको छ । राईलाई घरबाटै नियन्त्रणमा लिई मुलुकी अपराध संहिता २०७४ बमोजिम हात हतियार खर खजना सम्बन्धी कसुरमा अनुसन्धान भइरहेको प्रहरी निरीक्षक बस्नेतले बताउनुभयो ।