एलिना दियाली
ताप्लेजुङ । मैवाखोला गाउँपालिकाले शिक्षा सम्बन्धी रणनीतिक योजना बनाउने भएको छ । “जमिन टेकेको, क्षितिज देखेको” भन्ने मुख्य नाराका साथ रणनीतिक योजना बनाउने पालिका अध्यक्ष विजय प्रकाश वनेमले जानकारी दिनुभयो । उहाँका अनुसार रणनीतिक योजना बनाउनका निम्ति आईतबारबाट दुईदिने कार्यशाला सुरु भएको छ ।
केहि समय अघि मात्र गाउँपालिकाले शैक्षिक गुणस्तर सुधार गर्नका निम्ति अभिभावक जागरण अभियान अन्तरगत अभिभावक शिक्षा कार्यक्रम वडागत रुपमा सञ्चालन गरेको थियो । उक्त कार्यक्रमबाट अभिभावकको सकरात्मक सुझाव प्राप्त भएको र उक्त सुझाबलाई आत्मसाथ गर्दै योजना बनाएर काम गरिने पालिका अध्यक्ष वनेमको भनाई छ ।
गत जेठमा महिनामा शिक्षा क्षेत्रका सरोकारवाला निकायहरुको सहभागितामा “बृहत शिक्षा सम्मेलन” गरेको थियो भने जस्ले सार्वजनिक रुपमा ४२ बुँदे घोषणा पत्र जारी गरेको थियो । सोही घोषणा पत्र अनुसार शिक्षा सम्बन्धी रणनीतिक योजना बनाउन कार्यशाला गरिएको गाउँपालिकाले जनाएको छ ।
पौष १४ र १५ गते चल्ने उक्त कार्यशालामा पहिलो दिन सम्पूर्ण विद्यालयका प्रध्यानापक र कार्यपालिका सदस्यको सहभागिता रहेको थियो भने पुष १५ गते विभिन्न तहका बिषयगत शिक्षकहरुको सहभागिता हुनेछ । उक्त कार्यशाला र उक्त रणनितीक योजनाको समग्र सहजीकरण नीति तथा योजनाबिद एवं चेन्ज स्पिकर आर.के.ढुंगानाले गरि रहनुभएको छ । दुईदिने कार्यशालाबाट ५ वर्षे शैक्षिक रणनीतिक योजना निर्माण गरेर सोही योजना अनुसार काम गरिने पालिकाले जनाएको छ ।
सार्वजनिक शिक्षाको रुपान्तरण र सुदृढीकरण आजको आवश्यक्ता रहेकाले परिणाम आउने गरि शैक्षिक गुणस्तर सुधारका निम्ती काम गरि रहेको र सबैलाई सकरात्मक सल्लाह दिन पालिका अध्यक्ष वनेमले आग्रह गर्नुभएको छ ।
प्रतिक्रिया