ताप्लेजुङ । माघेनी मेलाको अवसरमा ताप्लेजुङको आठराई त्रिवेणी गाउँपालिका–४ चाँगेमा पुरुष फुटबल प्रतियोगिता सञ्चालन हुने भएको छ । आँपपानी युवा क्लबले सदरमुकाम फुङ्लिङमा शनिबार पत्रकार सम्मेलन गर्दै यही पुस २५ देखि माघ १ गतेसम्म फुटबल प्रतियोगिता सञ्चालन हुने जानकारी गराएको हो ।
क्लबका अध्यक्ष प्रेमबहादुर लिम्बूका अनुसार प्रतियोगिताका विजेताले नगद एक लाख ११ हजार १११ सहित ट्रफी, मेडल र प्रमाणपत्र पाउने छ । यस्तै उपविजेताले नगद ५५ हजार ५११ सहित ट्रफी, मेडल र प्रमाणपत्र प्राप्त गर्ने छन् ।
माघेनी मेलाको अवसरमा सञ्चालन हुने उक्त प्रतियोगिताको आयोजना चाँगेको नेसुममा हुने क्लबका सल्लाहकार उदय आङ्बुहाङले जानकारी दिनुभयो ।
मेलामा फुटबल प्रतियोगितासँगै राष्ट्रिय कलाकारहरूको साथमा साङ्गीतिक कार्यक्रमसमेत हुने छ ।
प्रतिक्रिया