रेडियो काबेली
ताप्लेजुङ । ताप्लेजुङको सिरिजङ्गा गाउँपालिकामा आईतबारबाट सुरु भएको अन्तराष्ट्रिय आमन्त्रण सिरिजङ्गा गोल्डकपमा उदयपुरको बद्ररहुड फुटबल क्लव सेमिफाईनलमा प्रवेश गरेको छ । न्यू स्टार फुटबल क्लब झापालाई २–१ गोल अन्तरले पराजित गर्दै उदयपुर सेमिफाईनलमा प्रवेश गरेको हो । उदयपुरको जितका लागि क्याप्टेन सन्जय श्रेष्ठ र आकास राईले एक–एक गोल गर्नुभयो । यता न्यू स्टार झापाका लागि बिदेशि खेलाडी डानियलले एक गोल फर्काउनुभयो । खेलको म्यान अफ दि म्याच ब्रदरहुड एफसी उदयपुरका सन्जय श्रेष्ठ घोषित हुँदै नगद दुइ हजार एक सय सहित ट्रफि प्राप्त गर्नुभयो ।
ऐतिहासिक व्यक्तित्व तेअङसी सिरिजङगा सिंह थेवेको ३२० औं जन्मजयन्तिको अवसरमा आयोजना गरिएको गोल्डकपमा मंगलबार (भोली) मरिक एफसी सुनसरी र पारिजात एफसी भारत खेल्ने आयोजक तेल्लोक स्पटोर्टिङ क्लबका अध्यक्ष अर्जुन भट्टराईले जानकारी दिनुभयो । आईतबार भएको पहिलो खेलमा तेल्लोक स्पोर्टिङ क्लब (आयोजक) साँगुरीगढी फुटबल धनकुटालाई २– १ ले पराजित गर्दै सेमिफाईनलमा प्रवेश गरेको छ ।
गोल्डकपको बिजेता टिमले नगद २ लाख ५० हजार ५ सय ५५ रुपैयाँका तथा उपबिजेता टिमले १ लाख २५ हजार ५ सय ५५ रुपैयाँका साथ ट्रफी,मेडल र प्रमाण–पत्र प्राप्त गर्नेछन् । त्यस्तै गोल्डकपमा बिधागत पुरस्कारतर्फ प्रत्येक खेलमा उत्कृष्ट खेल खेल्ने एक जनालाई नगद २ हजार १ सय रुपैयाँका साथ ‘म्यान अफ द म्याच’ प्रदान गरिने छ । यस्तै सर्बोत्कृष्ट खेलाडीलाई ७ हजार रुपैयाँ तथा सर्वाधिक गोलकर्ता,उत्कृष्ट गोलरक्षक,उत्कृष्ट डिफेण्डर र उत्कृष्ट मिडफिल्डरलाई समान नगद ४–४ हजार रुपैयाँका साथ ट्रफी,मेडल र प्रमाण–पत्र प्रदान गरिने समेत आयोजकले जानकारी दिएको छ ।
किराँत लिम्बु लिपिका प्रचारक, सिरिजङ्गा लिपि र याक्थुङ संस्कृतिका प्रणेता सरिजङ्गासिंह थेबेको जन्म जयन्तीको अवसरमा अन्तराष्ट्रिय आमन्त्रण सिरिजङ्गा गोल्डकप सहित सिरिजङ्गा मेला गरिएको क्लबका अध्यक्ष अर्जुन भट्टराईले बताउनुभयो ।
२०७८ सालबाट आमन्त्रण सिरिजङ्गा गोल्डकप हुँदै आएको गोल्डकप चौथो संस्करणमा यसपटकको प्रतियोगिताबाट अन्तराष्ट्रिय आमन्त्रण फुटबल प्रतियोगिता सुरु भएको हो ।
सहभागी टिममध्ये सबैभन्दा अनुशासित र मर्यादित खेल खेल्ने एकटिम तथा उत्कृष्ट व्यवस्थापक र उत्कृष्ट प्रशिक्षकलाई समेत समापनको दिन सम्मान गरिने आयोजकले जनाएको छ । मेलामा राष्ट्रिय तथा स्थानीय कलाकारको प्रस्तुतीका साथै स्थानीय उत्पादनको प्रवद्र्धनात्मक कार्यक्रम, विभिन्न भाषा तथा संस्कृतिमा आधारित मनोरञ्जनात्मक कार्यक्रम हुनेछन् । कार्यक्रमको अनुमानित लागत ३० लाख रुपैँया रहेको क्लबका अध्यक्ष भट्टराईले बताउनुभयो । सिरिजङ्गा गाउँपालिका त्येअङ्सी सिरिजङ्गासिंह थेबेको जन्म भएको स्थलको रुपमा परिचित छ ।
प्रतिक्रिया