पाथीभरामा कात्तिक महिनामा ३७ लाख ४४ हजार बढि भेटी सङ्कलन 

ताप्लेजुङ । पाथीभरा क्षेत्र विकास समितिले प्रसिद्ध तीर्थस्थल पाथीभरामा गत कात्तिकमा सङ्कलन भएको भेटी सार्वजनिक गरेको छ । हरेक महिनाको भेटी सार्वजनिक गर्ने कार्यतालिका अनुसार नै समितिले कात्तिक महिनाको भेटी तथा दान सङ्कलनको विवरण आइतबार सार्वजनिक गरेको हो । 

कात्तिक महिनामा मात्रै ३७ लाख ४४ हजार ७ सय ५० रुपैयाँको भेटी तथा दान सङ्कलन भएको पाथीभरा क्षेत्र विकास समितिका कार्यकारी निर्देशक प्रजिन हाङबाङले जानकारी दिनुभयो । यस्तै कात्तिकमा पाथीभरा दर्शनका लागि विभिन्न स्थानबाट ६१ हजार बढी तीर्थयात्री आएका थिए । 

समितिका अनुसार  ६१ हजार १ सय ७३ जना भक्तजन पाथीभरा आएका हुन् । समितिले भेटी रकम सँगै तीर्थयात्रीको विवरण पनि माषिक रुपमा सार्वजनिक गर्दै आइरहेको छ ।