ताप्लेजुङ् । पाथिभरा क्षेत्रका होटल सञ्चालकरूलाई एक९एक थान डस्टबिन वितरण गरिएको छ । फुङलिङ नगरपालिका वडा नं. १० ले उक्त क्षेत्रका होटल पसल सञ्चालकलाई एक–एकथान डस्टबिन बितरण गरेको हो ।
पाथिभरा मन्दिरमा आउने भक्तजनहरूको चापलाई ध्यानमा राखी फुङलिङ नगरपालिका वडा नं. १० र ११ अन्तरगत पर्ने काफ्लेपाटी देखि ठूलो फेदी सम्मका सबै होटल पसलका सञ्चालकलाई डस्टबिन बितरण गरिएको फुङलिङ नगरपालिका वडा नं १० वडाध्यक्ष सन्तोष लिम्बूले जानकारी दिनुभएको छ ।
‘‘उहाँले भन्नु भयो, फोहोरमैलालाई व्यवस्थापन तथा न्यूनिकरण गरि स्वच्छ वातावरणका लागि काफ्ले पाटी देखि ठुलो फेदी सम्मका व्यवसाय गर्ने सम्पूर्ण व्यवसायीहरूलाई डस्टबिन वितरण गरि सहयोग गरेका हौँ ।”
फुङलिङ नगरपालिकाका उपप्रमुख भिमादेवी ओझाको उपस्थितिमा डस्टबिन बितरण गरिएको हो ।
प्रतिक्रिया