बालिकालाई बलात्कार गरेको आरोपमा पाँचथरका एक युवक पक्राउ

रेडियो काबेली
ताप्लेजुङ । बालिकालाई बलात्कार गरी गर्भवति बनाएको आरोपमा प्रहरीले पाँचथरका एक युवकलाई प्रहरीले पक्राउ गरेको छ । १६ वर्षे बालिकालाई बलात्कार गरी गर्भवति बनाएको आरोपमा प्रहरीले पाँचथरका २८ वर्षीय राकेश हेम्बेवा लिम्बूलाई प्रहरीले पक्राउ गरेको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक विवेक बस्नेतले बताउनु भयो ।

उहाँका अनुसार पिडित बालिकालाई आरोपीतले २०८० साल माघ १८ गते डर त्रास र धाक धम्की दिई बालत्कार गरेर फरार रहेको आरोपमा पीडित पक्षले ०८१ कार्तिक ४ गते जिल्ला प्रहरी कार्यालयमा उजुरी दिएको थियो । पीडित पक्षको उजुरीका आधारमा आरोपितलाई अनुसन्धानका लागि कार्तिक १२ गते गिरफ्तार गरिएको प्रहरी निरीक्षक विवेक बस्नेतले बताउनु भयो । जिल्ला अदालत ताप्लेजुङबाट ७ दिनको म्याद थप अनुमति लिई मुलुकी अपराध संहिता २०७४ को भाग २ परिच्छेद १८ बमोजिम अनुसन्धान भई रहको प्रहरी निरीक्षक बस्नतेको भनाई छ ।