ताप्लेजुङ । ताप्लेजुङको कुम्भकर्ण हिमाल (फक्ताङलुङ) आरोहण गर्न गएका एक अमेरिकी नागरिक बेपत्ता भएका छन् । ग्राण्ड हिमालय ट्रेक्स एण्ड एक्स्पिडिसन प्रा. लि. ट्रेकिङ एजेन्सी मार्फत आरोहणका लागि गएका अमेरिकाका नागरिक मिखाइल ओरिअन गार्डनर बेपत्ता भएका हुन् ।
बुधबार दिउसो १ : १० बजेको समयमा हिमाल आरोहणको क्रममा हावाको बेगले हानी घुन्साबाट उत्तरपट्टिको स्थानमा बेपत्ता भएको जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विवेक बस्नेतले जानकारी दिनुभयो ।
उनी असोज ५ गते मङ्गलबार घुन्सा स्थित शेर्पा गेष्ट हाउसमा बास बसी बुधबार कुम्भकर्ण हिमाल तर्फ प्रस्थान गरेका थिए ।मिखाइल ओरिअन गार्डनर बेपत्ता भएको स्थान इलाका प्रहरी कार्यालय घुन्साबाट पैदल हिँड्दा ३ दिन लाग्ने प्रहरीले जनाएको छ ।
प्रतिक्रिया