ताप्लेजुङ । बाढीले बगाएको मेरिङदेन गाउँपालिका ५ र ६ जोड्ने अस्थायी मोटरेवल पुल निर्माण भएको छ । गत असोज ६ गते लङ्वा खोलामा आएको बाढीले बगाएको थुकिमाको वरकदेन र नाल्बु जोड्ने अस्थाई मोटरवेल काठेपुल निर्माण गरिएको हो ।
मेरिङदेन गाउँपालिका वडा नं. ६ का वडा अध्यक्ष मनोज कुमार तुम्बाहाम्फे र कार्यपालिका सदस्य पासाङ शेर्पाको अगुवाईमा ४० जना भन्दा बढि स्थानीय बासिन्दाहरूको श्रमदानमा तीन दिन पछि उक्त पुलको निर्माण सम्पन्न गरिएको वडा अध्यक्ष मनोज तुम्बाहाङफेले जानकारी दिनुभएको छ ।
पुल निर्माण भएको कारण स्थानीयहरु हर्षित भएका छन् ।
प्रतिक्रिया