ताप्लेजुङको सिदिङ्वामा जेसिबी दुर्घटना हुँदा चालक घाईते

ताप्लेजुङ । ताप्लेजुङमा जेसिबी दुर्घटना हुँदा चालक घाईते भएका छन् । सिदिङ्वा गाउँपालिका ५ मा मङ्गलबार जेसिबि दुर्घटना हुँदा सिन्धुलीका २८ वर्षीय चालक कृष्ण बहादुर श्रेष्ठ घाईते भएका हुन् । 

जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक बिबेक बस्नेतका अनुसार मङ्गलबार राति करिब ८ बजे फसेको जिप गाडीलाई निकालेर फर्कने क्रममा दुर्घटना भएको हो । भूगोल कम्पनी हाइड्रोपावरको ना. प्र. ०१–००४ क २३९४ नम्बरको जेसिबी सडक देखि करिब ८० मिटर तल खस्दा चालक श्रेष्ठ गम्भिर घाईते भएको प्रहरीको भनाई छ । 

घाईते चालकलाई थप उपचारको लागि सुविधा सम्पन्न अस्पतालतर्फ लगिएको हाइड्रोपावरका कर्मचारी केशव भट्टराईले जानकारी दिनुभएको प्रहरीले बताएको छ ।