रेडियो काबेली
ताप्लेजुङ । प्याबसन ताप्लेजुङको आयोजनामा अन्तर प्याबसन स्तरीय बुद्धिचाल प्रतियोगिता सम्पन्न भएको छ । प्याबसनको वार्षिक कार्यतालिका अनुसार शुक्रबार (आज) प्रतियोगिता लिटल बुद्ध बोर्डिङ स्कुलमा सम्पन्न भएको हो ।
प्रतियोगितामा माध्यमिक तह छात्रतर्फ कञ्चनजंघा बोर्डिङ स्कुलका अर्पन भट्टराई प्रथम, मेचि सेन्ट मेरिज बोर्डिङ स्कुलका सर्मिन पौडेल द्धितिय र नवज्योति कञ्चन एकेडेमीका मिलन लिम्बु तृतिय हुनुभएको छ । त्यस्तै माध्यमिक तह छात्रातर्फ नवज्योति कञ्चन एकेडेमीकी सृष्टि लिम्बु प्रथम, लिटल बुद्धकी खुसी श्रेष्ठ द्धितिय र अक्फोर्ड मोडेल बोर्डिङकी अप्सरा लिम्बु तृतिय हुनुभएको छ ।
आधारभुत तह छात्रतर्फ नवज्योति कञ्चन एकेडेमीका तारा लिम्बु प्रथम, अक्फोर्ड मोडेल बोर्डिङका सम्राट लुँईटेल द्धितिय र तमोर ईङ्लिस स्कुलका राजु निरौला तृतिय बन्नुभएको छ । त्यस्तै गरि आधारभुत तह छात्रातर्फ लिटल बुद्धकी रिस्ता गुरुङ प्रथम, हाङ्देवा पाथीभरा क्यु लर्निङकी किञ्जल हिङमाङ द्धितिय र नवज्योति कञ्चन एकेडेमीकी रुथ शेर्पा तृतिय हुनुभएको छ ।
प्रतियोगितामा माध्यमिक र आधारभुत छात्र र छात्रा दुबैतर्फ प्रथमलाई १ हजार ५ सय, द्धितियलाई १ हजार र तृतीयलाई ५ सय रुपैँया पुरस्कार प्रदान गरिएको लिटल बुद्ध बोर्डिङ स्कुलका प्रेन्सिपल युवराज गिरीले बताउनुभयो । प्रतियोगिता विश्व बृद्धिचाल संघको फिडे नियम अनुसार खेलाईएको प्रमुख निर्णायक राजकुमार गुरुङले जानकारी दिनुभयो । प्याबसनले आफ्नो वार्षिक कार्यतालिका अनुसार विद्यार्थीहरुको सर्वाङ्गीण विकास गर्नका लागि विभिन्न कार्यक्रम गर्दै आएको छ ।
प्रतिक्रिया