ताप्लेजुङ । जिल्ला प्रहरी कार्यालय ताप्लेजुङले बन्यजन्तु सालकको उद्धार गरेको छ । सोमबार राति करिब साढे ११ बजेको समयमा फुङलिङ नगरपालिका ७ को ऐश्वर्य चोकबाट प्रहरीले सालकको उद्धार गरेको हो ।
स्थानीयबाट सालक फेला परेको खबर पाउन साथ प्रहरीको टोली खटाई उद्धार गरिएको जिल्ला प्रहरी कार्यालय ताप्लेजुङका सुचना अधिकारी प्रहरी निरीक्षक कमल कुमार लुङगेलीले जानकारी दिनुभयो । उहाँका अनुसार उद्धार गरिएको सालकलाई जिल्ला प्रहरी कार्यालयमा ल्याई सुरक्षित राखि मंगलबार (आज बिहान )बनका कर्मचारीलाई जिम्मा लगाइएको छ ।
पाथीभरा सब–डिभिजन बन कार्यालय ताप्लेजुङका कर्मचारी (फरेष्टर) फुपुग्याबु शेर्पा र अम्बिका बिष्टलाई उद्धार गरिएको सालक बुझाइएको प्रहरी निरीक्षक लुङगेलीको भनाई छ ।
प्रतिक्रिया