ताप्लेजुङ । जिल्ला प्रहरी कार्यालय ताप्लेजुङले समुदाय प्रहरी साभेदारी कार्यक्रम अन्तरगत सरसफाई कार्यक्रम सम्पन्न गरेको छ । जिल्लाको फुङलिङ नगरपालिका वडा नं. ९ हाङदेवामा अवस्थित श्री चण्डेश्वर महादेव धाम साथै ठिशोङ्ग बौद्ध गुम्बा परिसर सरसफाई कार्यक्रम सम्पन्न भएको हो ।
“हर प्रहर गाउँ र नगरी,टोल टोलमा नेपाल प्रहरी” भन्ने नाराका साथ नेपाल प्रहरीले समुदायमा विभिन्न काम गर्दै आएको छ । उक्त कार्यक्रम अन्तरगत नै जिल्ला प्रहरी कार्याल ताप्लेजुङका प्रहरी नायब निरीक्षक पदम सुन्दर लिम्बुको कमाण्डमा २१ जना प्रहरी र स्थानीयको उपस्थितीमा सरसफाई कार्यक्रम सम्पन्न गरिएको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक कमल लुङ्गेले जानकारी दिनुभयो ।
प्रतिक्रिया