फुङलिङ नगरपालिकाका सिभिल ईन्जिनियर एक लाख घुस रकम सहित पक्राउ

ताप्लेजुङ । ताप्लेजुङको फुङलिङ नगरपालिकामा कार्यरत सिभिल ईन्जिनियर अख्तर हुसैनलाई अख्तियारले घुस रकम सहित पक्राउ गरेको छ । सोमबार अख्तियार दुरुपयोग अनुसन्धान कार्यालयबाट खटिएको टोलीले अधिकृत छैटौँ स्तर सिभिल ईन्जिनियर पदा कार्यरत हुसैनलाई १ लाख रुपैँया घुस सहित पक्राउ गरेको हो । खेल मैदान निर्माण कार्यमा सेवाग्राहीसँग घुस माग गरेको भन्ने सुचना एवं उजुरीका आधारमा हुसैनलाई फुङलिङ नगरपालिका वडा नंं. ४ न्युरोड ट्याक्सी काउन्टर नजिकबाट पक्राउ गरिएको अख्तियारका प्रवक्ता नरहरि घिमेरेद्धारा हस्ताक्षरीत विज्ञप्तीमा जनाईएको छ ।