ताप्लेजुङ । सिरीजंघा गाउँपालिका ४ तेल्लोकको तेल्लोक माध्यमिक विद्यालयलाई खेलकुदको सामाग्री प्रदान गरिएको छ । जिल्ला खेलकुद विकास समिति ताप्लेजुङ र समितिका अध्यक्ष गणेश माबोले संयुक्त रुपमा खेलकुदका सामाग्री विद्यालयलाई आज हस्तान्तरण गरिएको हो ।
अध्यक्षका माबोका अनुसार विद्यालयलाई निकासा भलिबल २ थान, फुटबल २ थान, बुद्धिचाल ४ सेट र भलिबलका लागि नेट जाली १ थान प्रदान गरिएको हो । जिल्ला खेलकुदबाट उपलब्ध भएका सामाग्रीमा पुन आफूले केही सामाग्री थप गरि विद्यालयलाई हस्तान्तरण गरिएको अध्यक्ष माबोले जानकारी दिनुभयो ।
उहाँले विद्यार्थीहरूका लागि उपलब्ध गराइएको सामाग्रीले विद्यालयमा अध्ययनरत उदयमान खेलाडीको लागि विशेष टेवा पुग्ने विश्वास लिनुभयो । विद्यालयलाई आवश्यक खेलकुदका सामाग्री उपलब्ध गराएको प्रति प्रधानाध्यापक रुकमान थेबेले समेत आभार प्रकट गर्नुभयो ।
प्रतिक्रिया