साहारा लङ्वा लिम्बू
ताप्लेजुङ । ताप्लेजुङ पर्यटन महोत्सवका लागि तयारी तिव्र गतिमा अगाडि बढाइएको छ । आगामी जेठ ३ देखि ७ गते सम्म सञ्चालन हुने उक्त महोत्सवका लागि आज नगर सरसफाइ कार्यक्रम सम्पन्न भएको छ ।
![](https://i0.wp.com/radiokabeli.com/wp-content/uploads/2024/05/10f3f9ec-c9af-4b13-87a8-2543f051f193.jpg?resize=720%2C540&ssl=1)
बिहान ७ बजेदेखि तोक्मे डाडाँबाट सुरु भएको नगर सरसफाइ कार्यक्रम पाथिभरा चोक पुगेर समापन भएको छ । सरसफाइ कार्यक्रममा नेपाल प्रहरी, नेपाली सेना, नगरवासी बुद्धिजीवी साथै पाथिभरा क्याम्पसका विद्यार्थीहरूको उपस्थिति रहेको थियो ।
![](https://i0.wp.com/radiokabeli.com/wp-content/uploads/2024/05/c55e88f0-2cc5-4a9f-9e05-8e930f72fef7.jpg?resize=720%2C540&ssl=1)
जेठ २ गते भित्र महोत्सवका सबै तयारी पुरा गरिने महोत्सव मूल आयोजक समिति सदस्य सचिव देवराज गुरुङले जानकारी दिनुभएको छ । साथै उहाँले नगर सरसफाइमा उपस्थिति भएका सबैलाई धन्यबाद ज्ञापन गर्नु भएको छ ।
![](https://i0.wp.com/radiokabeli.com/wp-content/uploads/2024/05/3e2be270-03a1-47ce-a2ab-9b2e3e03645b.jpg?resize=720%2C540&ssl=1)
‘स्थानीय अर्गानिक मेला महोत्सवमा प्रोत्साहन ताप्लेजुङको पर्यटकीय स्थलहरूको प्रचार प्रसार तथा अवलोकन’ भन्ने मूल नाराका साथ करिब ५ दिन सम्म सञ्चालन हुने महोत्सवमा विभिन्न प्रतियोगिता सँगै साहित्यिक र सांस्कृतिक कार्यक्रम पनि हुने छ ।
![](https://i0.wp.com/radiokabeli.com/wp-content/uploads/2024/05/dbc115d8-e28d-45d9-94e4-c8709fee9409.jpg?resize=720%2C540&ssl=1)
साथै, पाथिभरा धामदेखि सदरमुकाम सम्म साइकिलिङ समेत हुने आयोजक समितिले जनाएको छ । महोत्सवमा विभिन्न खाद्य परिकारको स्टल प्रदर्शनी हुने छ भने, सांस्कृतिक कार्यक्रम तर्फ राष्ट्रिय तथा स्थानीय कलाकारहरूको प्रस्तुति रहने छ ।
![](https://i0.wp.com/radiokabeli.com/wp-content/uploads/2024/05/88306bc1-b6bd-4353-95e9-d86c643bb442.jpg?resize=720%2C540&ssl=1)
प्रतिक्रिया