साहारा लङ्वा लिम्बू
ताप्लेजुङ । १४औं प्रदेश स्तरीय राष्ट्रपति रनिङ शिल्ड प्रतियोगितामा सहभागी हुने खेलाडीलाई बिदाई गरिएको छ । आज जिल्ला समन्वय समितिको प्राङ्गणमा एक कार्यक्रमको आयोजना गरी १०८ जना खेलाडीहरूलाई बिदाई गरिएको हो ।
गत फागुनमा आठराई त्रिवेणी गाउँपालिका फुलबारीको महभिर खेलमैदानमा सम्पन्न भएको जिल्ला स्तरीय राष्ट्रपति रनिङ शिल्ड प्रतियोगितामा उत्कृष्ट हुन सफल भएका खेलाडीहरूलाई बिदाई गरिएको खेलकुद विकास समिति अध्यक्ष गणेश माबोले बताउनुभयो ।
![](https://i0.wp.com/radiokabeli.com/wp-content/uploads/2024/04/26773d05-9ec8-4a50-bd40-a89bc24d3edd.jpg?resize=720%2C540&ssl=1)
बिदाई भएका खेलाडीहरूले चैत्र ३० गतेदेखि २०८१ साल बैशाख २ गते सम्म इटहरी रङ्गशालामा सञ्चालन हुने प्रदेश स्तरीय राष्ट्रपति रनिङ शिल्ड प्रतियोगितामा सहभागिता जनाउँने छन् ।
उक्त प्रतियोगितामा भलिबल, कवड्डी, एथलेटिक्स, सितोरीयो कराँते, तेक्वान्दौ र उसु खेलको विधाहरु रहेको अध्यक्ष माबोले बताउनुभयो । यस प्रतियोगितामा उत्कृष्ट हुने खेलाडीले राष्ट्र स्तरको प्रतियोगितामा सहभागी हुन पाउने अध्यक्षको भनाई छ ।
![](https://i0.wp.com/radiokabeli.com/wp-content/uploads/2024/04/de4e32db-be27-454e-8216-be02d6b05718.jpg?resize=720%2C540&ssl=1)
बिदाई कार्यक्रममा प्रदेश सांसद तथा पूर्व मन्त्री तिलकुमार मेन्याङबो, जिल्ला समन्वय समिति प्रमुख छिरिङ लामा, फुङ्लिङ नगरपालिका प्रमूख अमिर मादेन र आठराई त्रिवेणी गाउँपालिकाका अध्यक्ष दिपेन्द्र पोमू (दिपेन)ले खेलाडीहरूलाई जितको शुभकामना दिएका छन् ।
![](https://i0.wp.com/radiokabeli.com/wp-content/uploads/2024/04/7e5240c0-894d-427b-b9f5-c5c6b39e6e63.jpg?resize=720%2C540&ssl=1)
कार्यक्रम जिल्ला खेलकुद विकास समितिका अध्यक्ष गणेश माबोको अध्यक्षतामा सम्पन्न भएको हो ।
प्रतिक्रिया