केपी ओली चैत्र २९ गते ताप्लेजुङ आउने

ताप्लेजुङ । पूर्वप्रधानमन्त्री तथा नेकपा एमाले अध्यक्ष केपी शर्मा ओली ताप्लेजुङ आउने हुनु भएको छ । आगामी चैत्र २९ गते अध्यक्ष ओली ताप्लेजुङ आउने तयारी भइरहेको नेकपा एमाले ताप्लेजुङका कार्यबाहक अध्यक्ष सन्तोष खतिवडाले जानकारी दिनुभयो ।  

उहाँका अनुसार एमाले ताप्लेजुङको पार्टी कार्यालयको भवन उद्धघाटनको लागि अध्यक्ष ओली ताप्लेजुङ आउँदै हुनुहुन्छ । ओलीसँगै उपप्रधानमन्त्री एवम् भौतिक पूर्वाधार तथा यातायात मन्त्री रघुबीर महासेठ, पार्टीका केन्द्रिय तहका नेता समेतको उपस्थिति रहने बताइएको छ ।

 अध्यक्ष ओलीको टोलीले निर्माणधीन तमोर करिडोरको सडकको समेत निरीक्षण गर्ने तालिका तय भएको एमाले ताप्लेजुङले जनाएको छ । ट्रयाक खोल्ने कार्य फक्क्ताङलुङ गाउँपालिकाको ओलाङचुङगोलामा पुग्न लागेसँगै सडक अनुगमनको योजना बनाइएको बताइएको छ । 

पार्टी कार्यालय उद्घाटनसँगै नेताकार्यकर्ताको भेटघाट लगायतको कार्यक्रमपछि सोही दिन ओली काठमाडौँ फर्कने तालिका रहेको छ ।