मैवाखोलाका २२ परिवारलाई सोलार वितरण

रेडियो काबेली
ताप्लेजुङ । मैवाखोला गाउँपालिकाले २२ परिवारलाई सोलार वितरण गरेको छ । पालिकाको वडा न.–६ साम्तोङ्काका २२ विपन्न परिवारलाई अँध्यारोबाट छुटकारा दिलाउन बुधबार बस्तीमै पुगेर सोेलार वितरण गरिएको पालिका अध्यक्ष विजय प्रकाश वनेमले जानकारी दिनुभयो ।

अध्यक्ष वनेमका अनुसार गाउँपालिकाको नवीकरणीय उर्जा प्रवद्र्धन कार्यक्रम मार्फत २२ घर परिवारलाई सोलार बितरण गरिएको हो । सोही कार्यक्रम अन्तर्गत गत बर्ष सोही बस्तीका ११ घर परिवारलाई सोलार बितरण गरिएको थियो । यस बर्ष भने बाँकीलाई वितरण गरिएको हो ।

ठूलो क्षेत्रफल भएको यस गाउँमा घरहरु एकदमै टाढा टाढा छरिएर रहेकाले केन्द्रीय विद्युत प्रसारण लाइन पुग्न समय लाग्ने भएकाले अँध्यारोबाट छुटकारा दिलाउन सोलार वितरण गरिएको हो । यता केन्द्रीय विद्युत प्रसारण लाईन पुर्याउन पहल निरन्तर भैरहेको गाउँपालिकाले जनाएको छ ।