बिक्री भएन पाथीभरामा संकलन भएको सुनचाँदी



ताप्लेजुङ । ताप्लेजुङको पाथीभरामा संकलित सुन र चाँदी बिक्री नहुने भएको छ । सुन र चाँदी बिक्रीका लागि आवेदन आह्वान गरिएकोमा कसैले पनि खरिद गर्न आवेदन नदिएका हुन् ।

पाथीभरामा हालसम्म संकलन भएको १७८ तोला सुन र पाँच हजार २९८ तोला चाँदी लिलाम बिक्रीका माध्यमबाट बिक्री गर्नेगरी पाथीभरा क्षेत्र विकास समितिले आवेदन आह्वान गरेको थियो । सुनचाँदी खरिदका दिइएको समयावधिमा कसैले पनि खरिद गर्न आवेदन नदिएको समितिका कार्यकारी निर्देशक प्रजिन हाङ्बाङले जानकारी दिनुभयो ।

खरिदकर्ताले आवेदन नदिएपछि तत्कालका लागि सुन र चाँदी बिक्रीको प्रक्रिया अघि नबढ्ने भएको कार्यकारी निर्देशक हाङ्बाङले बताउनुभयो । पाथीभरा दर्शनमा आएका भक्तजनले गत मङ्सिर १६ गतेसम्म चढाएका सुनका गरगहाना तथा चाँदीका सामग्री शुद्धीकरण समितिले बिक्री गर्न लागेको थियो । समितिले २१ दिने म्याद राखेर गोरखापत्र दैनिकमा लिलाम बिक्रीको सूचना प्रकाशित गरेको थियो ।

शुद्धीकरण गरिएको १ नम्बर सुन १७८ तोला ८२ लाल प्रतितोला एकलाख २१ हजार र पाँच हजार २९८ तोला १२ लाल असली चाँदी प्रतितोला एकहजार ४१० रुपियाँमा बिक्री गर्नेगरी न्युनतम मूल्य निर्धारण गरेको थियो । समितिले सुन र चाँदी बिक्री गर्ने प्रक्रिया सुरु गरेयता सुनचाँदीको मूल्य भने निरन्तर वृद्धि हुँदै आएको छ ।

शुक्रबार नेपाली बजारमा सुनको मूल्य प्रतितोला एक लाख ३० हजार रुपैयाँ कायम गरिएको छ । eujyalopost.com

प्रकाशित मिति : १६ चैत्र २०८०, शुक्रबार ११:०३

जिल्ला स्तरीय लैङ्गिक हिंसा नियन्त्रण सञ्जाल गठन

रेडियो काबेलीताप्लेजुङ । जिल्ला स्तरीय लैङ्गिक हिंसा नियन्त्रण सञ्जाल गठन

केबलकार विवादः निर्माण क्षेत्रको बाँकी रुख कटान, आन्दोलनरत समूहद्वारा सरकारले अन्याय गरेको गुनासो

रेडियो काबेलीताप्लेजुङ । पाथीभरा क्षेत्रमा निर्माणाधीन केबलकारको निर्माण क्षेत्रको बाँकी

फक्ताङलु गाउँपालिकाले दियो सार्वजनिक बिदा

ताप्लेजुङ । ताप्लेजुङको फक्ताङलु गाउँपालिकाले विहीबार सार्वजनिक बिदा दिएको छ

पाथीभरा मन्दिरको भेटि माघ महिनामा १० लाख बढि गणना

ताप्लेजुङ । पाथीभरा क्षेत्र विकास समितिले माघ महिनामा गणना गरिएका

सुनको मूल्य दुई हजार सात सयले घट्यो

काठमाडौं । नेपाली बजारमा बुधबार सुनको मूल्य तोलामा २ हजार