ताप्लेजुङमा ४९ जना परीक्षार्थी एसईईमा अनुपस्थित

ताप्लेजुङ । बिहीबारदेखि सुरु भएको माध्यमिक शिक्षा परीक्षा (एसईई) मा ताप्लेजुङमा उनन्चास जना परीक्षार्थी अनुपस्थित भएका छन् । एसईई परीक्षामा सहभागी हुनलाई आवेदन दिएका एक हजार ८९० जना विद्यार्थीमध्ये उक्त सङ्ख्यामा परीक्षा अनुपस्थित भएका हुन् ।

जिल्लास्थित शिक्षा विकास तथा समन्वय इकाइका अनुसार एसईईको पहिलो दिन बिहीबार भएको अनिवार्य अङ्ग्रेजी विषयको परीक्षामा २७ जना छात्र र २२ छात्रा गरी ४९ जना अनुपस्थित भएका हुन् । बाँकी एक हजार ७७९ जना विद्यार्थी अर्थात परीक्षार्थी परीक्षामा सामेल भएका शिक्षा विकास तथा समन्वय इकाइका प्राविधिक सहायक रामनारायण चौधरीले जानकारी दिनुभयो ।

चौधरीका अनुसार परीक्षामा सामेल भएकामध्ये ९७७ जना छात्रा र ८०२ जना छात्र रहेका छन् । पहिलो दिनको परीक्षा जिल्लाभर शान्तिपूर्ण वातावरणमा सम्पन्न भएको शिक्षा विकास तथा समन्य इकाइका प्रमुख योगेश्वर भट्टराईले जानकारी दिनुभयो । एसईई सञ्चालनका लागि जिल्लामा १७ वटा परीक्षा केन्द्र रहेका थिए । gorkhapatraonline