ताप्लेजुङ । ताप्लेजुङको फुङलिङमा ढुङ्गाले लागेर एक जनाको मृत्यु भएको छ । मृत्यु हुनेमा फुङलिङ नगरपालिका ५ उकालीपानीका ५९ वर्षीय रामचन्द्र गुरुङ रहेको जिल्ला प्रहरी कार्यालय ताप्लेजुङका सूचना अधिकारी, प्रहरी प्रवक्ता, प्रहरी निरीक्षक कमलकुमार लुङगेलीले जानकारी दिनुभयो ।
उहाँका अनुसार मृतक गुरुङको ढुङ्गा फुटाएर खाजा खाने क्रममा माथिबाट झरेको ढुङ्गाले लागेर घटनास्थलमा मृत्यु भएको हो । ईन्द्रणी ब्याडमिन्टन हल छेउमा आज करिब ३ बजे गुरुङलाई ढुङ्गाले लागेर ज्यान गएको प्रहरी निरीक्षक लुङ्गलीको भनाई छ ।
मृतकको शवलाई कानुनी प्रक्रिया पुरा गरी पोस्टमार्टमको लागि आवश्यक तयारी भइरहेको प्रहरीले जनाएको छ । शवलाई पोस्टमार्टम पछि आज नै आफन्तलाई बुझाउने बताइएको छ ।
प्रतिक्रिया