ताप्लेजुङ । ११४औं अन्तराष्ट्रिय नारी दिवसको अवसरमा मिक्वाखोला गाउँपालिका १ खोक्लिङमा दुई दिने उद्घोषण तथा भाषणकला तालिम सम्पन्न भएको छ । ग्रामीण महिला आमा समुहको आयोजनामा दुई दिने तालिम सम्पन्न भएको हो ।
महिलाहरूको नेतृत्व विकासका तालिम आयोजना गरिएको ग्रामीण महिला आमा समुहकी सचिव सुनमाया लिम्बुले बताउनुभयो । तालिमको सहजीकरण रेडियो काबेलीको समाचार प्रमुख एलिना दियालीले गर्नु भएको थियो ।
नारी दिवसकै अवसरमा शुक्रबार (आज) ग्रामीण महिला आमा समुहले विभिन्न कार्यक्रम गरि दिवस मनाएको छ । दिवसको अवसरमा भएको वक्तृत्वकला प्रतियोगितामा सरस्वता अधिकारी प्रथम, सुजता कार्की द्वितीय र सृजना लिम्बू तृतीय हुनुभएको छ ।
त्यस्तै कविता प्रतियोगितामा नुमा लिम्बू प्रथम, दीक्षा खड्का द्वितीय र पार्वता अधिकारी तृतीय हुनु भएको छ । म्युजिकल चियर प्रतियोगितामा सबिना अधिकारी प्रथम, प्रमिला खड्का द्वितीय र गोमा अधिकारी तृतीय हुनु भएको छ ।
कार्यक्रममा मिक्वाखोला गाउँपालिका अध्यक्ष भक्त कार्की, प्रमुख प्रशासकीय अधिकृत अर्जुन देब योङ्या, वडा नम्बर २ का अध्यक्ष झरेन्द्र थापा लगायतको उपस्थिति रहेको थियो ।
प्रतिक्रिया