मैवाखोला गाउँपालिकाका जेष्ठ नागरिकको स्वास्थ्य परीक्षणले पायो निरन्तरता



ताप्लेजुङ। ताप्लेजुङको मैवाखोला गाउँपालिकाका ज्येष्ठ तथा अपांग नागरिकको निरन्तर स्वास्थ्य परीक्षण गरिँदै आएको छ । जेष्ठ तथा अपाङ्ग नागरिकको घर–घरमा पुगेर उहाँहरूको निरन्तर स्वास्थ्य परीक्षण गर्ने गरिएको हो ।

मैवाखोला गाउँपालिकाका अध्यक्ष विजयप्रकाश वनेमका अनुसार ६८ वर्ष उमेर पूरा भएका जेष्ठ नागरिकहरुको निरन्तर स्वास्थ्य परीक्षण गरिँदै आएको छ । गाउँपालिकाभित्रका पूर्ण अर्थात ‘क’ र ‘ख’ वर्गका अपांग नागरिकसमेतको निरन्तर स्वास्थ्य परीक्षण गर्ने गरिएको अध्यक्ष वनेमले जानकारी दिनुभयो । प्रत्येक महिनामा एकपटक जेष्ठ तथा अपांग नागरिकको स्वास्थ्य परीक्षण गर्ने गाउँपालिकाको योजनालाई कार्यान्वयनमा निरन्तरता दिँदै आएको उहाँले बताउनुभयो ।

गाउँपालिकाले गत आर्थिक वर्ष २०७९/८० को कात्तिक महिनादेखि ज्येष्ठ तथा अपांग नागरिकको स्वास्थ्य परीक्षण गर्न सुरु गरेको थियो । लक्षित वर्ग अर्थात जेष्ठ तथा अपांग नागरिकको स्वास्थ्य परीक्षण गर्ने कार्य १६ महिनादेखि निरन्तर जारी रहेको वडा १ का वडाध्यक्षसमेत रहनुभएका गाउँपालिकाका प्रवक्ता चन्द्रकुमार तामाङले बताउनुभयो ।

प्रवक्ता तामाङका अनुसार फागुन महिनाका लागि अहिले प्रत्येक वडामा स्वास्थ्यकर्मी पुगेर ज्येष्ठ र अपांग नागरिकको स्वास्थ्य परीक्षण हुँदै आएको छ । गाउँपालिका अन्तर्गतका विभिन्न स्वास्थ्य संस्थामा कार्यरत स्वास्थ्यकर्मी पालिकाका ६ वटै वडामा पुगेर लाभग्राहीलाई स्वास्थ्य परीक्षण सेवा प्रवाह गरिरहनुभएको उहाँले बताउनुभयो ।

ज्येष्ठ तथा अपांगको स्वास्थ्य परीक्षणसँगै निःशुल्क औषधि वितरण र उनीहरुलाई आवश्यक स्वास्थ्य परामर्शसमेत दिँदै आएको गाउँपालिकाकी निमित्त प्रमुख प्रशासकीय अधिकृत लक्ष्मीमाया गोम्देनले जानकारी दिनुभयो ।

प्रकाशित मिति : २३ फाल्गुन २०८०, बुधबार १३:०३

वाइसिएलद्धारा फक्ताङ्लुङको शहीद पार्क र गुम्बामा वृक्षरोपण

ताप्लेजुङ, भदौ १४ गते । योङ्ग कम्युनिष्ट लिग (वाइसिएल) नेपाल

नेपाल बार एसोसिएसन ताप्लेजुङको अध्यक्षमा बलराम भट्टराई चयन

रेडियो काबेलीताप्लेजुङ । नेपाल बार एसोसिएसन जिल्ला अदालत एकाई ताप्लेजुङको

जिल्ला प्रहरी कार्यालय ताप्लेजुङमा लडेर बेहोस भएका प्रहरीको मृत्यु

ताप्लेजुङ, भदौ १३ गते । जिल्ला प्रहरी कार्यालय ताप्लेजुङमा बेहोस

   भदौ २६ गते तिम्बुङ पोखरी ट्रेल रन प्रतियोगिता हुने 

साहारा लिम्बू ताप्लेजुङ, भदौ १३ गते । ताप्लेजुङको सिदिङ्वा गाउँपालिकामा दोस्रो

खेवाङ खेलकुद महोत्सव-२०८२ सञ्चालन हुने 

साहारा लिम्बू ताप्लेजुङ, भदौ १२ गते । ताप्लेजुङमा ‘खेवाङ खेलकुद महोत्सव-२०८२’