फागुन २५ बाट ताप्लेजुङमा उपमेयर कप हुने 

ताप्लेजुङ ।  ताप्लेजुङको फुङलिङ नगरपालिकाले आयोजना गर्ने अन्तरपालिका स्तरीय उपमेयर रनिङ कप महिला फुटबल प्रतियोगिता फागुन २५ गतेबाट हुने भएको छ ।

नगर खेलकुद विकास समितिका अध्यक्ष एवम् फुङलिङ नगरपालिकाको सामाजिक विकास समितिका संयोजक क्षितिज सुनुवारले प्रतियोगिता फागुन २५ गतेबाट २७ गते सम्म सञ्चालन गर्ने निर्णय भएको जानकारी दिनुभयो ।

फुङलिङ नगर उपप्रमुख भीमादेवी ओझाका अनुसार अन्तराष्ट्रिय नारी दिवसको अवसर पारेर फागुन २५ गते प्रतियोगिता सुरु हुने छ । उहाँका अनुसार नगर खेलकुद विकास समितिले खेलकुद मार्गदर्शन तयार गरी नगर कार्यपालिकाको बैठकमा पेश गर्ने निर्णय समेत गरेको छ । eujyalopost.com